Ministria e Punëve të Brendshme e Serbisë ka njoftuar se ka arrestuar shtetasin e Kosovës, Osman Selmani, në pikën kufitare të Mutivodës.
Sipas autoriteteve serbe, arrestimi është realizuar në kuadër të një operacioni të përbashkët të disa njësive policore.
MUP-i serb pretendon se ekzistojnë dyshime se më 14 qershor 1999, në lagjen Sofali të Prishtinës, Selmani, së bashku me disa persona të tjerë që autoritetet serbe i identifikojnë si pjesëtarë të UÇK-së, ka vrarë me armë zjarri dhe mjete të ftohta çiftin serb Vladimir dhe Persa Stanisavljević.
Sipas njoftimit të MUP-it, ndaj Selmanit është caktuar masa e ndalimit për 48 orë, ndërsa pritet që Gjykata e Lartë në Beograd të vendosë për caktimin e masës së paraburgimit deri në 30 ditë.
Ndërkohë, familja e Osman Selmanit ka reaguar për rastin, duke bërë të ditur se ai është ndaluar nga autoritetet serbe më 1 korrik.
