Një person është arrestuar në Podujevë, pasi dyshohet se ka shtënë me armë zjarri në drejtim të një burri, i cili ka shpëtuar pa u goditur nga plumbat.
Sipas Policisë së Kosovës, ngjarja ka ndodhur më 1 nëntor, rreth orës 14:00. Njësitë policore kanë dalë në vendin e ngjarjes, ku kanë gjetur dhe sekuestruar një gëzhojë si provë materiale.
Policia ka kontrolluar edhe shtëpinë e të dyshuarit, por nuk ka gjetur sende të dyshimta. Pas intervistimit, me vendim të prokurorit, i dyshuari është ndaluar, ndërsa rasti është cilësuar si “Vrasje në tentativë”.
