Mbi 405 mijë fëmijë kanë përfituar nga skema e shtesave në Kosovë gjatë muajit prill 2026, sipas të dhënave të publikuara nga Agjencia e Statistikave të Kosovës.
Sipas raportit, nga kjo skemë kanë përfituar gjithsej 405 mijë e 722 fëmijë, ndërsa shuma e mjeteve të shpërndara ka kaluar vlerën prej 14.7 milionë eurosh.
Të dhënat tregojnë se edhe pensionet bazike të moshës përbëjnë një nga kategoritë kryesore të mbështetjes sociale. Në muajin prill, nga kjo skemë kanë përfituar 164 mijë e 187 persona, me pagesa në vlerë mbi 25.9 milionë euro.
Ndërkaq, pensionet kontributpaguese kanë përfshirë 48 mijë e 76 përfitues.
ASK bën të ditur se skemat sociale në Kosovë vazhdojnë të mbështesin kategori të ndryshme të qytetarëve, përfshirë fëmijët, të moshuarit, familjet në nevojë, veteranët, invalidët dhe familjet e dëshmorëve.
Raporti përfshin edhe kategori të tjera që përfitojnë nga buxheti i shtetit në kuadër të politikave të mirëqenies sociale.
