Njësiti i Krimeve të Rënda, me urdhër të Prokurorisë Speciale, ka bastisur banesën e Shkëlzen Gashit.
Lajmin e bëri të ditur Rron Gjinovci përmes një postimi në rrjetet sociale, ku tha se Gashi është shoqëruar në stacion policor, por ende nuk është arrestuar.
Ky veprim i institucioneve vjen pas paralajmërimit të Prokurorisë Speciale për hetime lidhur me ekspozitën për Masakrën e Dubravës dhe ngjarje të tjera, e cila u organizua në Prishtinë dhe nxiti reagime të forta për shkak të pretendimeve mbi pasaktësinë e të dhënave të paraqitura.
