Qeveria në detyrë do të mbajë sot mbledhjen e radhës, e cila pritet të nisë në ora 12:00, sipas njoftimit të kabinetit për media.
Në rendin e ditës janë përfshirë gjithsej 14 pika, ku ndër të parat pritet të shqyrtohen disa propozim-vendime që lidhen me procesin e shpronësimeve në disa zona të vendit.
Gjithashtu, ekzekutivi në detyrë do të shqyrtojë propozim-vendimin për ndarjen e mjeteve buxhetore në kategorinë e shpenzimeve “paga dhe shtesa” për muajin nëntor 2025, për Ministrinë e Punëve të Brendshme.
