Ndërtimet pa kriter në Ferizaj po e rëndojnë jetën e qytetarëve në këtë komunë. Së fundmi, kompania ndërtuese “Macropus” dyshohet se ka dëmtuar dhe uzurpuar një pjesë të asfaltit gjatë realizimit të punimeve.
Bëhet fjalë për rrugën “Epopeja e Jezercit”, ku banorët janë duke u shqetësuar për gjendjen e krijuar dhe pasojat që këto ndërhyrje mund të kenë në sigurinë dhe qarkullimin e përditshëm.
Sipas banorëve, dëmtimi i rrugës dhe ndërhyrjet pa standarde po vështirësojnë lëvizjen dhe po rrisin rrezikun për aksidente. Ata kërkojnë reagim urgjent nga institucionet përgjegjëse, në mënyrë që të parandalohet përkeqësimi i mëtejshëm i situatës.
Ndërkohë, Zyra Kombëtare e Auditimit ka filluar hulumtimet lidhur me dhënien e lejeve ndërtimore, duke ngritur dyshime për parregullsi të mundshme në këtë proces.
